NASA(美國太空總署)早前重啟民航超音速噴射機研究計劃，並委託咗航空科技公司Lockheed Martin建構名為X-59嘅靜音超音速技術噴射機。Lockheed Martin正為NASA嘅超音速噴射機計劃展開前期建構工作，預計首個實際生產嘅X-59會喺2021年完成並進行首次試飛。

繼以往嘅和諧式客機(Concorde)退役後，X-59有望成為民航超音速噴射機後繼者。由Lockheed Martin建構嘅X-59靜音超音速技術噴射機採用咗修長機身設計，可以有助減低衝擊波所成嘅造成音爆，而據了解新設計嘅音爆聲響只有閂私家車門嘅程度，預計喺55,000尺高空上飛行會幾乎聽唔到。

X-59係一種實驗性超音速飛機，首次飛行將會喺2021年進行，屆時將會收集有關音爆嘅數據，而測試結果將有助NASA建立一個可接受嘅商業超音速噪音標準，並推翻禁止在陸地上進行超音速飛行嘅現行法規。

來源：NASA