電動車生產商Tesla喺今年上半年因為電動車Model 3嘅產量一直無法達標，令到Tesla一度陷入破產邊沿嘅局面。但嚟到下半年Tesla除咗錄得兩年嚟首次盈利外，Tesla創辦人兼CEO Elon Musk近日喺寄畀員工嘅電郵中指出，公司終於實現咗每日生產1000架Model 3電動車嘅生產目標，正向每星期生產7000架Model 3嘅目標邁進。

電動車新聞網站《Electrek》表示，目前Tesla嘅已經達到每日生產1000架Model 3電動車嘅生產里程碑，並正向每星期生產7000架嘅生產紀錄進發。其實早於上月較早前嘅嘅一個訪問中，ELon Musk已經表示Tesla正致力將Model 3嘅產能提高至每星期6000架，並最終達到7000架，而如今距離每星期7000架嘅目標非常接近。

Tesla最初喺2016年電動車Model 3，並於2017年反復承會喺該年年底前按計劃達到每星期生產5000架Model 3嘅目標，但期間多次遇上生產瓶頸問題，令到公司飽受指責。而直至今年上半年，Model 3亦一直無法達到每星期5000架嘅生產目標，令唔少人取消訂單及公司股價大跌，並面臨破產危機。到咗下半年先不斷改善生產目標，至今終於達到每日生產1000架Model 3嘅生產目標。

來源：Electrek