雖然電動車生產商Tesla喺中國銷售表現受到貿易戰所影響，令10月份Tesla喺中國銷量大跌7成，不過Tesla進軍中國嘅計劃日前傳嚟好消息！據上海市政府指出，Tesla喺上海興建嘅超級工廠(Gigafactory)將會喺2019年下半年投產。

上海市委副書記、市長應勇於12月5日舉行嘅調研上海市重大投資項目建設情況時表示，即將喺上海臨港重裝備產業區興建嘅Tesla超級工廠項目已經完成基本土地平整，並即將展開建設，預計明年下半年部分投產。

應勇續指，Tesla於上海嘅超級工廠集研發、製造、銷售等功能於一身，係上海有史以嚟最大嘅外資製造業項目。Tesla上海子公司喺10月以9.73億人民幣取得上海臨港裝備產業區864,885 平方米工業用地，預計該工廠會喺2021年前達到每星期生產5000架Model Y嘅電動越野車。

來源：CNBC