相信今時今日大家對無人機、物聯網等科技都唔會陌生，不過呢類科技始終有體積大、成本高、續航力短等局限性。所以華盛頓大學嘅研究人員就諗咗一個聰明方法，喺蜜蜂背脊上裝上只有約0.0035Oz重量嘅微型電子背包，從而幫助專家收集有用數據。

研究人員Shyam Gollakota指出，無人機每次飛行嘅續航時間只有10至20分鐘，但如果用裝有微型電子背包嘅蜜蜂就可以持續收集幾個鐘嘅數據。研究人員續指，呢個微型電子背包可以追踪蜜蜂位置及感知周遭環境，不過完整嘅GPS系統會消耗太多電量，所以蜜蜂嘅電子背包一定要非常精簡。

華盛頓大學嘅為微型電子背包建造咗一個多天線基站，可以向區域內嘅背包接收，並通過計算信號角度及強度對蜜蜂所在位置進行三角測量定位。而實驗證明，微型電子背包系統可喺80米範圍內精準追踪蜜蜂，而蜜蜂回巢後更可以為背包進行無線充電，及上傳所收集嘅數據。

來源：University of Washington