有無喺日本嘅讀者啊？今年日本Apple嘅福袋再度回歸！日前日本Apple於官方網站出現「1月2日に福来たる。(1月2日福來了)」，按推斷日本Apple將會喺1月2日重推自2016年開始停辦嘅福袋發售活動，買家有機會用低價買到Apple最貴嘅產品。

以往日本Apple舉辦福袋發售活動都會吸引唔少iFanboy通宵排隊輪候購買，用家可以一嘗以低價買到iPad、Apple TV、MacBook等產品，每份福袋嘅物品都可能唔同，而上一次舉辦福袋活動嘅2015年，每個福袋售價為38800日元，約為港幣2748元。