以全球瘟疫大滅絕事件後嘅荒野開放世界為背景嘅動作冒險遊戲《Days Gone (往日不再)》即將於今年4月26日推出，早前Sony Interactive Entertainment Hong Kong Limited (SIEH)喺香港舉行咗《Days Gone》製作人活動，邀請咗遊戲開發團隊Bend Studio社群經理 David Lee分享遊戲內容及開發秘辛。

．問：遊戲主線與開放世界是否分開？

答：玩家於遊戲主線一直推進，會解鎖更多地形，例如火山等 (所以要喺開放世界探索更多地方就必須完成更多主線任務)。而玩家完成更多主線任務，將會有更多支線任務出現，整個《Days Gone》遊戲中有超過30小時主線任務，及超過100小時支線任務。

．問：目前《Days Gone》與去年試玩Demo有甚麼改進？

答：首先於遊戲圖像上有非常大嘅改善，而遊戲引擎部分亦有不少改進，例如異變者嘅A.I.嘅改善，，令遊戲更刺激及好玩。

．問：遊戲嘅難易程度有咩分別？例如暴走潮喪屍數目上，或是喪屍傷害程度嘅分別？

答：遊戲難易程度在於任何類型敵人所造成嘅傷害變化，難度越高敵人傷害就會越大，相反難度越低敵人傷害就會越細，而敵人數量及A.I.唔會因為難度高低而有改變。因為開發團隊想玩家感受到遊戲世界中需要奮戰先可以生存嘅感覺。

．問：開發《Days Gone》嘅靈感來源係咩？

答：遊戲開發有兩大靈感來源，第一個就係電視劇集《The Walking Dead》，而另一個就係來自一個電單車遊戲。

．問：Bend Studio喺完成《Days Gone》後，會否做其他遊戲開發？

答：遊戲開發團隊目前好努力做緊《Days Gone》， 經過6年努力後相信會選擇休息一下，暫時未有其他計劃打算。

喺筆者試玩遊戲後發現，電單車係非常重要嘅工具，佢除咗可以用嚟代步之外，仲可以裝載大量補給品，例如藥、子彈等，不過唔好唔記得帶備電油，因為電單車無油就完全行唔郁。

另外，遊戲中有營地嘅設計，佢係遊戲中唯一嘅安全區，而營地有信任度嘅設計，信任度越高可以解鎖唔同嘅物品或服務，例如某啲營地主要負責電單車改裝、某啲負責武器改裝等，而玩家亦可以透過上繳物品嚟提高該營地對主角嘅信任度。