最近Samsung嘅Galaxy S10系列及摺Mon機Galaxy Fold搶咗大家唔少注意力，不過今年1月25號先推出嘅Galaxy A8s同樣採用咗S10系列嘅Infinity-O極限全屏幕設計，外型一啲都唔輸S10。而今次Samsung為Galaxy A8s推出咗全新嘅「魔幻粉」色，加上可以當鏡照嘅「魔鏡」鏡面功能，送畀女朋友一定會「冧」，加上售價只係$3298，做個廿四孝男友其實唔難。

相信有留意Samsung產品嘅都知A系列係主打年輕市場，新推出嘅無幾耐嘅A8s屬中階級別智能手機，佢配備同S10系列一樣嘅Infinity-O極限全屏幕設計，及高達19.5:9嘅超高比例6.4吋屏幕；同時佢用上咗高通嘅Snapdragon 710處理器，加上售價只係港幣$3298，性價比不俗。

今次Samsung為Galaxy A8s加入咗比較女性化嘅「魔幻粉」色，係粉藍色及粉紅色嘅相互漸變，睇起上嚟有啲似糖果系嘅顏色，非常適合較Young嘅女性用家。「魔幻粉」A8s新新增内置「魔鏡」應用程式，除咗可以照鏡補妝，亦可以照鏡補妝仲可以轉多款邊框風格嘅自拍Mode。

此外，由即日起至3月22日期間，喺特約零售商或經銷商買Galaxy A8s魔幻粉色新機，就會附送Etude House禮品卡1張，可換領Glass Tinting Lips持久滋潤唇膏芯及外殼一套、清爽亮膚保濕4件裝旅行裝一份、0.2mm 超薄植物纖維面膜櫻花一片，以及港幣20元購物優惠券5張。