由太空科技公司SpaceX研發嘅載人太空艙「Dragon 2」，日前完成與國際太空站對接任務，喺太空站逗留超過6日後成功返回地球，降落於大西洋上。由Elon Musk所創立嘅SpaceX，喺「Dragon 2」完成對接後成為首間執行國際太空站任務嘅民營企業。

其實今次「Dragon 2」所執行嘅只係示範性質測試，除咗運載181公斤物資前往太空站，太空艙內只有一位特別乘客Ripley。其實Ripley係一個「假人」，用以模擬太空艙運載太空人升空嘅情況，同時測試佢安全載人嘅能力。

SpaceX嘅「Dragon 2」升空，成位咗美國8年來首個本土製造嘅太空船前往國際太空站。而今年7月「Dragon 2」將會再次執行「國家級任務」，正式乘載兩位太空人前往國際太空站。此外，另一美國企業Boeing都同樣被獲批為NASA開發下一代太空載具，睇嚟美國擺脫對俄羅斯太空船依賴嘅日子指日可待。

來源：Reuters