平時喺香港見得最多嘅豐田相信一定係的士，不過你以為豐田只係造汽車就錯喇！昨日豐田汽車與日本太空機構JAXA(Japanese Aerospace Exploration Agency)共同宣布，將聯手開發可載人自動駕駛登月探測車，計劃於2029年登陸月球表面。

豐田汽車所開發嘅係Fuel Cell Vehicle(FCV，燃料電池車)，佢採用咗燃料電池技術及太陽能電池板，車身長6米、寬5.2米、高3.8米，配有6個車輪，而車上有13平方米生活空間，設計為2人乘坐，但緊急情況下可以容納4人，而續航距離更達到1.6萬公里。

作為全球Top 2嘅汽車企業，豐田汽車睇嚟眼光唔只放喺地球上，按照JAXA嘅目標，佢希望在2029年前將呢架由豐田生產嘅月球探測車送上太空，目前距離兩間企業嘅目標仲有10年時間，話唔定仲有更多新企業以衝上太空為目標。

來源：Nikkei