相信香港人都對Call車應用程式Uber唔陌生，雖然早前Uber喺香港與死對頭的士合作搞Uber Flash搞到一鑊泡，不過作為新興行業嘅Uber似乎有投資潛力。Uber最快會於美國時間星期四啟動上市程序，而IPO集資金額更高達100億美元，若成功上市將會係年內最大宗IPO。

《Reuters》引述消息人士指，Call車應用程式Uber最近於美國時間星期四向美國證券交易委員會(SEC)申請於紐交所上市，集資額高達100億美元，而上市主要包銷商為「大摩」Morgan Stanley。早前有投資銀行曾指出Uber估值約為1200億美元，而據了解Uber喺最近一輪私人融資中估值更高達760億美元，証明呢隻「獨角獸」一啲都講得少。

點解Uber嘅IPO咁受關注，其中一個原因係同樣來自美國嘅Call車應用程式Lyft於今年三月上市，當時Lyft首日掛牌一度急升22%，其後升幅收至8.7%，但後來Lyft表現反覆跌穿招股價，而截稿前Lyft受Uber IPO消息影響股價跌至61美元左右。除Uber、Lyft外，今年嘅潛在上市「獨角獸」仲有Palantir、Airbnb、Slack等新興行業。

來源：Bloomberg