太空科技公司SpaceX所開發嘅「Falcon Heavy (獵鷹重型)」火箭，於美國時間星期四(11日)成功完成首次商業任務，而火箭3個個推進器亦成功返回地面著陸。今次Falcon Heavy運載一枚沙特阿拉伯通訊衛星升空，而衛星主要為中東及北非地區提供電視、網絡與手機訊號服務。

今次Falcon Heavy嘅升空任務因為天氣關係而多次延遲，而早前SpaceX考慮到不穩定天氣，包括積雨雲及閃電等個影響火箭正常飛行。SpaceX嘅Falcon Heavy係號稱現役最強火箭，屬於火箭Falcon 9嘅升級版，由Falcon 9嘅3個內核組成，升空推力超過2500噸，可以攜帶約7噸貨物飛至Low-Earth Orbit(低地球軌道)。

Falcon Heavy成功為SpaceX完成首個商業任務，於美國時間星期四晚7點左右，由佛羅里達州Kennedy Space Center發射升空，搭載沙地阿拉伯通訊衛星Arabsat-6A飛至距離地球3.6萬公里軌道。火箭升空8分鐘後，兩個助推器準確於發射中心附近降落平台，而兩分鐘後主推進器亦降落於大西洋一艘船上順利回收。

來源：The Verge