{ SKIP }
文:MenClub 路易斯  圖:MenClub
POSTED ON 26 Apr 2019

諗唔掂買唔買新AirPods?相信再唔下決定,你嘅選擇困難症只會繼續惡化!今日下晝筆者介紹咗新AirPods用後心得,但係同樣採用H1 耳機晶片嘅Beats 最新真無線耳機PowerBeats Pro 率先快閃香港,你除咗要諗買邊款,仲要諗埋揀咩顏色,真係頭都痛埋!諗唔掂嘅你睇埋內文點講先!

PowerBeats Pro繼承新AirPods優點

點解係快閃香港?因為Beats 即將於香港推出嘅全新真無線耳機PowerBeats Pro 只係匆匆由Beats 主腦Luke Wood 帶嚟香港畀傳媒試玩。今次Luke Wood 一共帶晒4款顏色嘅耳機嚟香港,分別有象牙白、叢林綠、海軍藍及黑色。

Beats 作為Apple 旗下品牌,Powerbeats Pro當然繼承咗新AirPods 嘅優點,佢同樣採用咗Apple H1 耳筒晶片,只要一句「喂 Siri」就可以召喚Siri 幫你手,連接Apple 裝置同AirPods 一樣咁方便,不過佢都可以用於Android 裝置之上,只係唔支援aptX 編碼。

比上代穿戴更舒服  音質提升不少

Powerbeats Pro 係上一代Powerbeats3 Wireless 嘅後繼型號耳機,外型上最明顯嘅係無咗條連住左右耳機嘅電線,加上新機比上代細咗及輕咗分別23%17%,令到戴喺耳上嘅感覺自由更多,而且筆者試戴時發現新機Pro 嘅耳掛設計更貼近頭部,舒服得嚟有唔會鬆,但由於只係室內試機,未知運動時嘅分別。而音質方面,Pro 比起上一代3 提升咗唔少,人聲清晰咗之餘仲更加厚實,筆者作為上代3 嘅用家都好想換咗Pro 嚟做運動。

PowerBeats Pro採用活塞式結構驅動  低頻聲具爆發力

至於同新AirPods 比較的話,我認為兩者係走截然不同嘅路線,Powerbeats Pro 係主要為運動而設嘅耳機,有耳掛可以確保點跑點跳都唔甩,又有抗汗抗水功能;而新AirPods 就比較適合悠閒風格。

當然作為用家當然未必兩款都買晒,音質方面雖然兩者都用上H1 晶片,但Luke Wood透露指Powerbeats Pro 採用咗活塞式結構驅動,並於耳塞腔體外加入兩個細小吸氣及出氣孔,可以製造加壓氣流產生聲場,並減低耳腔內氣壓,提升音樂品質。筆者比較兩者時,認為PowerBeats Pro 的確勝一籌,低頻聲音聽起上嚟更具有爆發力,質感亦更厚、清脆。

電量方面,PowerBeats Pro 每邊耳機均提供長達9 小時聆聽時間,配合支援Lightning 嘅充電盒使用,播放時間累計可達超過24 小時,而充電約5分鐘就可以播放1.5小時,所以絕對能夠滿足日常使用。PowerBeats Pro 預計於5月推出,但確實開售日期尚未知道,而售價為港幣$1,988,提供有中象牙白、叢林綠、海軍藍及黑色等4色選擇。

PowerBeats Pro 技術規格:

特色 : 藍牙、無線功能

外形設計 : 耳掛、入耳式

連線 : 藍牙、無線功能

電池 : 可充電式鋰電池

售價:港幣$1,988

推出日期:預計今年5

除了 Facebook Story 外,它旗下的 Instagram 亦同樣開放其功能,給大家發揮創意。
tech
【發揮想像力】Facebook 將開放 Spark AR 予所有人設計個人 AR 效果 ...
15 Aug 2019
又要儲錢買啦!
tech
【終於黎啦】PlayStation 5將於2020年2月現真身!
14 Aug 2019