上星期可以話係華為最黑暗嘅一星期，先後被 Google、半導體、Wi-Fi、SD卡等領域封殺，不過華為似乎氣數未盡。因為日前華為嘅名字再次出現於 SD協會、Wi-Fi 聯盟、藍牙技術聯盟及固態技術協會等官網會員名單上。

一部 Android 電話無咗 Android OS 已經廢咗一半武功，加上無埋 SD卡、Wi-Fi、藍牙等功能的話，可以話係形同電子垃圾無異。幸好，各個界別組織喺美國商務部將華為納入黑名單後，採用「先暫停、再審議」方式檢視華為會員身份是否違反美國禁令，華為暫時先得到一線喘息空間。

現時 WiFi 聯盟(WiFi Alliance)、藍牙技術聯盟 (Bluetooth SIG)、SD協會 (SD Association)及國際固態技術協會 (JEDEC)已經重新將華為會員資格恢復，不過最大專業技術組織電機電子工程師學會 (IEEE)，喺5月29日嘅內部電郵流出指，直至美國解除制裁為止前學會都要禁止華為員工進行審稿及編輯工作。

來源：Slash Gear