電動車生產商 Tesla 喺中國首個生產基地 Gigafactory (超級工廠)，今年初正式於上海臨港展開第一期工程，並預計生產線最快年底投入生產。日前，有報道指出 Gigafactory 嘅主體結構已經接近完工，而為工廠提供電力嘅變電站已經展開建設，為今年第四季度開始投產目標努力。

名為「Gigafactory」嘅超級工廠係 Tesla 於中國嘅首個生產基地，同時亦係中國首個外資全資控股汽車工廠。早前，喺 YouTube 上有一位名為「烏瓦」嘅用戶公佈咗一段影片，當中可以睇到由空中俯視 Gigafactory 地形，以及傍邊正在建設嘅變電站。

「烏瓦」喺透露指，Tesla 上海 Gigafactory 已經進入設備安裝階段，但佢無辦法入內拍攝，不過喺廠區東南方發現咗一座變電站正在建設過程，預計喺今年9月份完工。喺 Tesla 嘅計劃中，希望在年底前實現每星期生產3000架 Model 3，同時明年量產上升，而上海 Gigafactory 負責生產車型包括Model 3 部分車款及 Model Y，而上海 Gigafactory 所生產嘅車輛只會喺中國銷售。

來源：Electrek