{ SKIP }
文:MenClub 路易斯  圖:互聯網
POSTED ON 27 Jun 2019

成日過大海嘅要注意喇!有賭過嘅都知做莊成日贏,不過有澳門賭場唔只要贏,仲要贏到「開巷」!據《Bloomberg 報道指出,知情人士透露澳門賭場陸續引入 A.I. (人工智能)技術,以隱蔽鏡頭、人面辨識等技術,分析出邊個賭客最易輸大錢,相信賭場就可對準輸錢客作出部署,務求賺到盡!

Bloomberg》引述知情人士指出,有澳門賭場正部署安裝隱藏式攝像頭、面部識別技術、數碼化撲克籌碼及數碼化百家樂賭檯,並配合 A.I. 技術與 Algorithms (演算法)對賭客投注行為等進行分析。透過 A.I. 技術,賭場可以搵到容易輸錢嘅「大戶」,並向佢哋提供特別折扣優惠,務求令佢哋賭個夠本,繼續喺賭檯上輸錢;而呢類黑仔「大戶」,喺大手落注時賭場贏率一般較平常高出10倍。

報道仲指出,目前喺澳門嘅金沙 (Sands)及美高梅 (MGM)已經開始引入咗 A.I. 技術,而其中金沙仲計劃至少喺1000張賭檯上加入相關技術,而永利、銀娛及新濠博亞就為引入咗 A.I. 技術進行研究。

來源:Bloomberg

SE2應該幾抵玩下!
tech
【終於等到】Apple低價機iPhone SE2預計於2020年推出市面
04 Oct 2019
千祈唔好換左塊鏡片去考試呀!
tech
【賭神/007】Bose推高科技智能太陽眼鏡
03 Oct 2019