距離 Apple 9月嘅 iPhone 發布會越嚟越接近，唔少新 iPhone 嘅消息都會出現！今次有消息指，即將推出嘅新 iPhone XR 將會刪除較冷門嘅粉藍色及珊瑚色，並以薰衣草紫、草綠色取代，而且喺網路上仲流出咗實機圖片，引起唔少網民討論。

據了解，今次 Apple 將會喺9月發佈 iPhone 11、iPhone 11 Max 及新 iPhone XR 三款新 iPhone，而根據過往嘅渲染圖新 iPhone XR 用上與 iPhone 11 一樣嘅方形機背凸起鏡頭組設計，鏡頭亦都由單鏡頭升級為雙鏡頭設計，不過新 XR 嘅雙鏡頭以垂直方式排列，而補光燈及米高風就被咗去鏡頭右邊。

根據網上流出嘅圖片可以睇到，今次新 iPhone XR 會繼續採用承襲 iPhone 5C 嘅七彩配色，而原來嘅粉藍色、珊瑚色就被薰衣草紫、草綠色取代，除此之外仲保留咗黃色、紅色、黑色及白色。消息指，新 XR 會搭載1200萬像素 FaceTime 攝影鏡頭，採用 A13 處理器、6.1吋 LCD 螢幕及容量由 64GB 起。

來源：ettoday