據路透社報導，Apple已要求台灣富士康將部份iPad及MacBook組裝線搬到越南，以減低美中貿易戰帶來嘅影響。

據知情人士向路透社透露，富士康已經於越南東北部嘅北江地區興建工廠，預計2021年初就能夠投入服務。而部份原本設於中國、負責組裝iPad及MacBook嘅生產線就會搬到新廠房，換言之即係撒出中國。但要留意嘅係，暫時唔知道搬到越南嘅生產線究竟會負責邊一款iPad、MacBook嘅組裝，亦唔知佢哋佔整個生產力嘅幾大部份。

早前Apple亦己經將AirPods Pro嘅生產線搬去越南。

圖片：Macrumors

值得留意嘅係，知情人士話越南廠房除咗組裝iPad及MacBook之外，亦會負責組裝包括Sony嘅電視、以及電腦鍵盤等。據報富士康成立分公司「Fu Kang」去負責越南方面嘅事宜。