廿來歲就有情人終成眷屬，擺酒風光，又上車又生B，一切彷彿提早超額完成，但幾年不到，開始發現這些太年輕結婚的夫妻都漸漸貌合神離，在Tinder遇到某某的老公或者老婆，咦點解咁熟口面？真係佢定畀人偷相？結論是，原來真是本人，就因為結婚太早，愛情慢慢成了感情，細路都慢慢大個，但其實個人都仲係三十出頭，因為結婚結得早，好多嘢未試過，好多嘢未見識過，咁就提早入冊，同花花世界講bye bye……

成名要趁早，發達也要趁早，但結婚，真的不一定。也有看破世情的告訴我，早結當然好啊，像傳染病，及早感染，及早病發然後清醒，就會對婚姻免疫，不再有任何不切實際的fantasy，反正早結早離，離完又是一條好漢，試過就心息，愛過就心死，搞不好靜極思動，還能在中年以至忘年遇到第二春呢，啋。