{ SKIP }
文:MenClub 魏文青  
POSTED ON 02 Dec 2020

日本女星、偶像推出寫真集並唔係咩新鮮事,而由於競爭激烈,寫真集銷量就成為女星人氣嘅其中一個指標。而日本Oricon最近就公佈咗2020年日本女星寫真集嘅銷量排行榜,縱然榜上有6名「乃木坂46」成員再加多本組合寫真,但第一名嘅就係大家未必聽過嘅「田中みな実 (田中美奈實)」!

圖片:minamitanaka_official on Instagram

田中美奈實於美國出世,據說爸爸係銀行高層、媽媽係東大學生,佢本人亦係名校青山學院出身,再加上甜美可愛嘅面容,簡單啲黎講就係一個「白富美」。大學畢業後佢加入日本TBS電視台做新聞主播,但就因為節目需要而成日扮可愛,被人狂鬧做作,於2014年退出TBS前更係連續三年被選為「最討厭主播」。但由2019年開始佢就以美容Blogger嘅身份重現於大眾眼前,而且於電視節目中以極為直率嘅言談扭轉大眾對佢嘅觀感,瞬間就成為人氣藝人,更加收獲大量女Fans——喺男女通殺嘅情況下,你就知點解佢本寫真集可以賣到四十幾萬本,拋離第二名近一倍啦!

第9嘅堀未央奈

第7嘅秋元真夏

第6嘅梅澤美波

第5嘅白石麻衣

第4嘅山下美月

第3嘅與田祐希

第2嘅組合寫真「乃木撮 VOL.02」

睇返個2020年銷售榜,除咗田中美奈實之外,另外兩位非「乃木坂46」上榜者就只有「嵐」嘅大野智嘅作品集、以及演員石田百合子嘅時尚寫真,其餘七名包括第9嘅堀未央奈、第7嘅秋元真夏、第6嘅梅澤美波、第5嘅白石麻衣、第4嘅山下美月、第3嘅與田祐希及第2嘅組合寫真「乃木撮 VOL.02」,全部都係同「乃木坂46」有關、而且全部都比田中美奈實年輕,咁都可以贏到銷量榜第一,證明田中美奈實真係有過人之處啦。

資料來源:Oricon

日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024
時下年輕人觀念開放,隨便打開個IG碌兩碌,都可以見到啲女網紅/KOL著比堅尼影相拍片供大家欣賞。不過即使係隨便一本雜誌都會有泳裝寫真嘅日本,其實都有較為保守嘅女仔。好似今晚要介紹嘅呢位「吉田伶香」咁,佢人生 ...
girls
【深夜】人生初比堅尼 「吉田伶香」處女寫真二連發
25 Mar 2024