{ SKIP }
文:九鼻子  
POSTED ON 10 Mar 2016

近年愈來愈多名人或藝人建立屬於自己的葡萄酒品牌, 例如趙薇在 Bordeaux 購買 Chateau Monlot、姚明在美國Napa建立Yao Family Wines、劉嘉玲亦推出自己的 Carina Lau Bordeaux系列及Rose sparkling。





茶餘飯後講開,總有人問我有無飲過上面提過嘅幾款葡萄酒?

答案係:無。

部份高手問我,啲酒佢地有無份做?

正如籃神 Michael Jordan,斷估不會落手落腳製造每一代 AJ波鞋,,但在開發及設計階段,肯定有投入意見。




透過香港專業品酒師協會的活動,我認識好多酒癡,當中一個靚女中嘅靚女,原來都係 member,佢原本不喜歡飲酒,以前只在宴會或應酬時飲兩啖紅酒。自從2008年,佢到訪美國 Napa Valley,因一個酒莊嘅愛情故事,從此對紅酒著迷。


回港後,佢完成咗WSET Level 3 課程,之後同葡萄酒發生關係,生咗「4個BB」。





廖碧兒(Bernice)以釀酒師身份釀造的 Bellavizio,除了投入意見及決策,佢仲落手落腳兼落田。佢講笑話造酒並非為賺錢,而且投資大,喺美國 Napa Valley 的 Robert Mondavi 及法國 Bordeaux 的 Vignobles Despagne ,各以幾十萬港元購買小葡萄園。





Vignobles Despagne 係家族酒莊,位於波爾多右岸,旗艦酒係 Girolate。



另一支來自 Despagne family,一眾《神之水滴》擁躉必定十分熟悉,就是 Chateau Mont-Perat。



Despagne family 的男主人 Thibault 由葡萄酒開始認識 Bernice, Thubault答應已離世的母親,會繼續協助 Bernice 造酒。




Bernice 每年飛 Bordeaux 3至4次,無論工作幾忙都好,9月一定逗留4至5日,落手落腳親手收割葡萄。每年2月,一定飛過去做blending,將佢嘅 BB撫養成人。





有歷史悠久的酒莊,又有專業團隊支持,而Bernice 亦都好投入落力,難怪佢嘅酒自從2009年開始多次獲獎,包括Decanter亞洲區嘅銅獎、銀獎;International Women’s Wine 以至 Grand Harvest Award金獎。



最令 Bernice 興奮就係2011年嘅 Bordeaux 紅白酒,都獲得國際性認可嘅 Grand Harvest。2011並非 Bordeaux好年份,佢認為造酒跟做人道理一樣,先天不好的條件,靠後天的努力,會得到意想不到的效果。


每次飛到 Bordeaux 時她都非常有親切感, 那種簡樸而又能親近山、風、沙灘的感覺,好似佢出世的地方 - 溫哥華。 

佢很享受自己的人生,永遠都在學習,準備功夫做足,但人要走嘅路係無得估。就好比一支酒,釀好入樽後慢慢會變化,變好變壞難以預料,無得控制。若當初無選華姐, 讀醫的她現在應該係醫生。入了演藝圈後, 佢好慶幸媽媽自小培養佢3歲學芭蕾舞,8歲學跆拳道。她回想小時候怎會估計將來真的大派用場。 

曾經連續拍戲9日無瞓過,宜家要 balance, work hard and play hard。Bernice喺

葡萄酒世界過得好精彩充實,有一班專業品酒師老友,又有適當的空間俾身為藝人嘅佢佢放心地吃喝玩樂。



鍾意品酒嘅靚女有一個同好嘅男友,當然好事,但唔係個個男仕都鍾意飲酒,甚至滴酒不沾。如果將來的男友如果不喜歡葡萄酒的話,點算?Bernice笑住答,可唔可以.....唔好呀? 

訪問到尾聲,梗係要以酒作結,想知邊一款酒最令Bernice難忘。

「有一次,係2月份,嗰時喺Bordeaux做 blending,當地有個好出名嘅酒莊,佢哋為我準備了一支1979年 Chateau Beychevelle(年齡從來唔係靚女秘密)。


CASIO G-SHOCK推出嘅「農家橡樹」GA-2100系列近年再牽起一股電子錶熱潮,品牌亦力推女性市場,繼2021年推出女性向嘅「GMA-S2100」系列後,最新又推出更嬌小、顏色更柔和嘅「GMA-P2100」系列,或者會係大家嘅情人節禮 ...
watchesandwine
【潮流】ITZY代言!G-SHOCK「農家橡樹」推更嬌小女裝版
22 Jan 2024
日本威士忌品牌「WHISKY MEW」主要銷售由日本著名威士忌收藏家「山岡秀雄」親自試出及推薦嘅威士忌,並經常與各大日本動漫作品合作推出聯乘作品。而最新嘅聯乘,就係同士郎正宗創作嘅著名Cyberpunk作品《攻殼機動隊 ...
watchesandwine
【日本】WHISKY MEW聯乘《攻殼機動隊》推限量威士忌
10 Jan 2024