成日有人話男仔同女仔對於「靚女」嘅定義好唔同，但日前日本媒體《Model Press》就公佈咗一年一度由女性讀者選出嘅「我最想擁有的臉」票選，當中前20名中全部都係大家熟口熟面嘅人。咁如果同早前由Oricon舉辦、男網民選出黎嘅「最理想女友」對比，又會唔會睇得出男女審美角度嘅不同呢？

北川景子

齊藤なぎさ (齊藤渚)

生田繪梨花

石原里美

遠藤さくら (遠藤櫻)

有村架純

三上悠亞

山本彩

平手友梨奈

山下美月

由《Model Press》舉行嘅「我最想擁有的臉」票選，吸引到超過4,000名女性讀者投票。當中第11至20名就包括 (由20名倒數)：北川景子、齊藤なぎさ (齊藤渚)、生田繪梨花、石原里美、遠藤さくら (遠藤櫻)、有村架純、三上悠亞、山本彩、平手友梨奈以及山下美月。就算你未必覺得佢哋係「最靚」，你都冇可能覺得佢哋唔靚。特別要留意嘅係，香港男生非常熟悉嘅三上悠亞，過往其實不多見於男性向嘅同類性票選，所以佢喺日本嘅女Fans，比起大家想像中都要多。

西野七瀨

永野芽郁

浜辺美波

新垣結衣

渡邉理佐

橋本環奈

広瀬すず

今田美桜

齋藤飛鳥

白石麻衣

而頭十位，就分別為 (由第10名倒數) 西野七瀨、永野芽郁、浜辺美波、新垣結衣、渡邉理佐、橋本環奈、広瀬すず、今田美桜、齋藤飛鳥以及第一名嘅白石麻衣。網民大讚白石麻衣眼大、鼻高，輪廓分明，而且可愛與綺麗兼備，係百看不厭嘅盛世美顏。而揀齋藤飛鳥嘅網民，就幾乎一面倒地話佢塊面超細——似乎係男性冇咁在意嘅審美條件。

雖然話女性選出嘅「最想擁有臉蛋」同男性選出嘅「理想女友」，上榜名單有著高度重疊性。不過有趣嘅係「理想女友」嘅雙冠軍「綾瀨遙」以及「吉岡里凡」，於「最想擁有臉蛋」榜上係影都唔見，唔知大家又覺得係點解呢？

資料來源：Model Press