自噚晚元朗出現大量白衣人，於元朗港鐵站大堂、月台及車廂內「無差別」攻擊歸家市民後，今日元朗、屯門、天水圍及荃灣多間商場均落閘提早收舖。而於香港有多間零售店嘅 Apple 亦於今日採取「特別營業時間」，相信與噚晚白衣人暴力事件有關。

今日全香港陷入一片恐慌，元朗、屯門大街小巷好似「十號風球」一樣，商舖落閘、人去街空，因為唔少民間消息指今日白衣人會持刀「見人就斬」。而喺細小香港擁有6間零售店嘅 Apple，雖然 Apple Store 分別位於中環、銅鑼灣、尖沙咀、九龍塘、觀塘及沙田，但相信顧及到有唔少員工居住上述受影響地區，所以採取「特別營業時間」，提早於下午4點收舖。