如果大家近年有去過日本東京新宿，應該都會見過於JR新宿東口對出嘅「新宿東口貓」大型3D廣告版，2021年佢首次出現時一度成為網絡熱話，依家更已經係新宿嘅地標之一。近日有日本傳媒就訪問到廣告版嘅經營代表「武石匡央」，並從佢口中得知呢隻貓嘅產生過程，以及佢所帶黎嘅廣告收入。

武石先生來自日本不動產管理公司「An顧問」（アンコンサルティング）。據佢講，「新宿東口貓」呢塊大型電子廣告版，正式名稱其實係「クロス新宿ビジョン」（Cross新宿Vision），而廣告版連埋所在嘅成棟大廈都係屬於株式会社クロススペース（Cross Space）。據知Cross Space嘅母公司早年雖然成功購入位於新宿東口嘅黃金地皮，但由於地皮太細，就算起七層高大樓都冇咩空間可以租出去，所以一直都唔知塊地可以拎黎做咩。

直到公司社長小谷周見到隔離嘅另一新宿地標「Alta大樓」都有個叫「Alta Vision」嘅大型電子廣告版，先決定將興建目前嘅「クロス新宿ビル」（Cross新宿大樓），一至三樓作為活動空間出租，四樓作為半戶外空間，外圍再安裝電子廣告版「Cross Vision」，與「Alta Vision」水平。咁樣既慳咗內部建升降機嘅位置，又確保行人睇到廣告版以保證廣告收入。

／
グッズ紹介
＼

コラボカフェではグッズも販売中

今回は猫さまＴシャツが新登場❣
シール、ポストカード（定形外、120円切手が必要）も新バージョンが登場しました‼

◆ポストカード（6種）各150円
◆シール 550円
◆Ｔシャツ（Msize各種）各2200円（キッズsize各種2000円）#新宿東口の猫 pic.twitter.com/lXB7UvvzRB

— クロス新宿ビジョン (@xspace_tokyo) September 16, 2022

廣告版點黎大家知啦，咁但係點解有貓呢。據武石先生，公司考慮到廣告版一開始唔會有太多廣告，所以就打算自己製作啲嘢黎播。咁啱佢哋見到韓國有個「大浪滔天」嘅3D投影，非常適合Cross Vision九十度彎曲嘅設計，所以打算利用呢個技術；同時佢哋又考慮到附近嘅涉谷站有「忠犬八公」、池袋站有貓頭鷹「いけふくろう」，所以打算整隻新宿代表動物出黎，最後就揀咗整貓——順帶一提，「新宿東口貓」嘅設定係一隻玳瑁花紋公貓，而玳瑁貓因為基因問題其實大部份都係雌性，所以呢個設定其實係有「從新宿站出黎會遇到隻特別幸運嘅貓」之意。

圖片：Google 街景截圖

【新作動画公開：アルタビジョンありがとう】

45年間、新宿の象徴として街を彩ってきてくれた「#アルタビジョン」が、2月末でその歴史に幕を下ろします。#クロス新宿ビジョン でも、「アルタありがとう」の想いを込めた特別動画を、本日より放映開始… pic.twitter.com/cKn9WxcmTE

— クロス新宿ビジョン (@xspace_tokyo) February 14, 2025

2021年7月1日，Cross Vision正式播放「新宿東口貓」嘅影片，並於數日內成為日本社交網絡熱話，再因應當時係疫情期間，大家避免進入室內空間，但去睇位於戶外嘅「新宿東口貓」卻無此忌諱結果人多到要請警衛維持秩序，後續亦催生出週邊產品等。武石先生亦指出，受惠於「新宿東口貓」嘅高人氣，「Cross Vision」嘅廣告收入亦水漲船高，首年收入達到5億3000萬Yen（約HK$2800萬）。

而啟發「Cross Vision」嘅「Alta Vision」，將會整座大樓結束45年營運而關閉。近日「新宿東口貓」亦特別安排「跨螢幕影片」，向鄰居致謝。未來於「クロス新宿ビル」對面亦會興建「クロス新宿ビル2」（暫稱），相信「新宿東口貓」到時又會有多活動空間啦。

資料來源：日刊SPA!