2009年港姐最上鏡小姐得主的袁嘉敏（Candy），曾因大台劇集《潛行狙擊》，飾演丁敏一角而受到注視，當然不能忽視其34D身材，被網民封為女神。

有MenClub讀者話鍾意Candy做主持，話鍾意佢喺黃金時間拍住蘇民峰做節目，大條道理望住佢身材同電眼喎，咁都得？「公司都鍾意我做主持多啲，我就專心做主持」

歌都有得唱「其實怕被忘記　至放大來演吧」。

歷年都有女藝人離開「大台」後，可能因為想博一博，豁出去，無意或有意之間，走上三級片脫星之路。不過，這類看似理所當然的發展，似乎不適用於Candy身上，公道啲睇番，Candy離開TVB之後，其實演出過多部電影，包括《竊聽風雲3》、《3D豪情》、《屍城》、《殺破狼2》，《鴨王》。她不認為自己是想一脫成名，又或為「錢途」。

當日天寒地凍，Candy非常專業，赤腳薄衣上場，拍照了個多小時亦無怨言。

多謝上天畀我優點

「我唔覺因為咁而得到名利喎，我住係中環，日日都有打扮落街，又唔見有人望我喎，哈哈哈！我只係善用上天俾我嘅優點，你話我選港姐拍三級戲係因為『錢途』，你而家覺得我有無先，哈哈哈！」的確，袁嘉敏的電影片酬係一般演員價。

女性接拍三級片，有裸露鏡頭便被稱為脫星或艷星，她只覺得香港觀眾想法過份保守。

「除」之餘都要演

Candy不認同接拍《鴨王》為一脫成名︰「對我嚟講，《鴨王》係有情色元素嘅劇情片，但就因為香港社會無呢類型片種，所以，大家就將部戲歸類為三級片，其實咁大膽嘅戲，對演員係一種好大嘅挑戰，亦因為咁我從來無被級別影響到我，亦花咗唔少時間去鑽研內心戲，奈何宣傳時候，大家都只會集中身體裸露，講真『除』之餘都要演㗎！」

仲記唔記得Candy喺《3D豪情》「醒」杜汶澤嗰腳？同埋佢飛去東京「踩場」搵阿澤嗰一幕，都好多內心好戲㗎！Candy話：「每次都是認真的角色，認真的劇本，是要演技的。」

勇於接受挑戰，對演員來說當然是一件好事，為藝術而犧牲，更加是偉大無比，但是否犧牲是否來得有價值，又是另一回事。「我又唔會覺得係犧牲嘅，只不過係要用身體去表演，只不過拍攝時，臨場加插咗一啲要求，導致尺度上係超出我意料之外，同時又無諗過拍咁多個鐘，當時諗住個幾小時乜都拍完啦，拍攝完之後睇返的確令我好震驚，因為我無諗過佢哋會咁拍法，所以拍完之後第二日，就走去買機票飛返澳洲。」 

Candy越說下去，便感覺到她對於今次接拍《鴨王》，與自己原意有所出入，非她所想，難怪她飛得如此趕急，連行李也沒有執便匆匆上機。

4000月薪 vs 30歲

回頭再看，留在大台安安穩穩，每天主持節目，參演劇集，日日有工開，雖不能說薪高，至少糧準，不是更好嗎？「首先，TVB並無一個好好嘅工作環境，大家一直存有誤解，留在大台四年，每年都是三千幾蚊底薪，仲要係達到一定拍攝數量先會有，好似之前拍《潛行狙擊》，拍三、四個月先有萬幾蚊，而每日主持節目亦只係得八、九千蚊，間唔時都會接到啲商場騷嘅，就大概幾千至一萬，所以，其實頂盡都係得萬幾蚊收入，到之後傾續約，傾咗好耐先加到四千幾蚊，講真自己年紀都唔細，始終唔可以靠4000幾蚊渡日，所以，就決定自己走出去搵工做。」這類因為人工低而離開大台的個案，雖然聽過無數次，但這次聽到，鼻子又酸了一酸。

每個女人也渴望愛，Candy也是等愛的女人。

Candy現時感情真空，坦言已有幾年沒拍拖，很想找到一個痛錫她的人，起碼條件是：要有交帶，皆因之前的男友，都是和她自己一樣擁有藝術家脾氣，可以一言不發就飛到巴黎散心，還有，她偏向交一位土生土長的香港男士！