{ SKIP }
文:傑克  圖:互聯網
POSTED ON 06 Dec 2017
打工仔辛苦一個月,才等到月尾出糧,一分一毫都是有血有汗唔易賺。既然錢唔易賺,係咪應該在日常生活中盡量減少支出呢?慳錢唔係話要日日捱麵包咁慘,其實只要培養一下一些衣食住行小習慣,就已經可以簡單慳到錢啦!
買衫揀選長青款式,毋須經常花錢轉換新款。
多花心思mix & match,簡單幾件衫已可襯出不同效果。
洗衫時注意標籤,減少無謂的衣物破損。
和閨密交換衣服,一件靚衫兩人享用。
出席隆重場合時,可選擇租衫,反正買了高貴的衫裙也鮮有機會穿著。
減少外出用膳,多點自己煮食,享受入廚樂之餘,又可慳錢。
久不久檢查一下雪櫃及櫥櫃,會發現原來堆積了很多食物。
準確計算胃口,點餐時別眼闊肚窄,浪費食物等如浪費金錢。
平日返工自備午餐飯盒,唔使每日煩吃甚麼,又省回大筆午飯錢。
隨身帶備水壺,減少在便利店買水,既環保又慳錢。
相約朋友飲酒共聚時,減少到消費高昂的酒吧,可選擇在超級市場買酒,然後在公園盡情暢飲聊天,重溫昔日美好時光。
改變日常消費習慣,例如每天一杯咖啡,可否改成兩天一杯?
夏天在家中可穿少一點,少開一點冷氣;冬天則多穿幾件衫,少開一點暖氣,省回多點電費。
不要貪戀浸浴、熱水浴,慳水慳電慳煤氣,更可慳錢。
記錄每月使費,有助控制開支。
定下儲蓄計畫,每月出糧後,先留起儲蓄的一部份,就不會不小心使多。
計一計你的時薪,你會發現錢唔容易搵,減少胡亂購物的意欲。
買任何東西前,先問一問自己,這東西是需要,還是想要?
每月還清卡數,別浪費金錢還息。
使用自動過數繳費,減少事忙遲交被罰款。
購買超過$500的東西前,先考慮兩日,避免衝動購物。
圖書館是寶庫,上網、借CD、睇書、睇雜誌,通通齊全,不用花錢購買。
假期多去郊外少去商場,又係可減少衝動購物。
選擇公共交通,盡量少搭的士。
駕駛樂可留返假日享用,平日返工少出車,慳油錢慳泊車錢。
用盡各種公共交通優惠,慳得就慳。
旅行前花多點時間計劃行程,有良好計劃可減少突發使錢事情出現。
伏,周圍都有,樂視初頭殺入香港時,講到咁兇狠,唔少人中伏,點知去年10月被爆欠下巨債,債主臨門,著了草的創辦人賈躍亭已被內地列為「失信人士」,被禁止乘搭飛機及五星級以上酒店消費等。 偷瓜少女 行 ...
powerandmoney
【行走江湖】 做一個有信用的人
16 Oct 2018
香港首位女特首在發表最新一份施政報告中,不忘為女性發聲,例如延長產假至14周,又勸籲上市公司多招請女性董事。的確,女性與男性在做決策時,有根本性的不同之處,以致男女之間在投資領域上,也有不同取向。 ...
powerandmoney
男女投資者大不同
15 Oct 2018