本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的 Cookie 和 隱私政策。
{ SKIP }
文：傑克　　圖：互聯網
POSTED ON 18 Jan 2018
在香港工作，除了講能力，就係講關係，要建立關係與脈絡，唯有擴闊生活圈子，多參加朋友的朋友聚會，才能廣結天下，話唔定當中會遇上貴人。只不過，貴人未必多，閒人可能遇到好多個，如果和新朋友吹水期間發覺對方唔岩傾，但對方又滔滔不絕想和你分享所有事，你又唔想直接叫對方收口咁尷尬，其實都有好多招數可用。
準備救兵
既然預知有機會出現這些場面，不如在跟新朋友交談前，先和舊朋友夾定時間與訊號，如果朋友見到你打眼色或手勢，就麻煩朋友扮有急事帶你走。
總結對話
把握對方回氣時，搵機會搶回說話主導權，就對方的話題來一個講完等如無講的總結，然後多謝對方的指教，好讓對方落台，跟住就講再見。
三人行
如果聚會中有飲品供應，可禮貌地說不如一路飲一路傾，主動提出去拿飲品，然後借機找多一位甚至幾位朋友一起來傾，三人或多人行自然會減少對方一輪嘴係咁講。
推介朋友
如果聚會沒有飲品供應也不緊要，直接讚美他見多識廣、見解獨到，並指有些朋友對他的話題很感興趣，然後將他介紹給其他人認識，讓他有機會向更多人發表偉論，而你就可以逃之夭夭。
扮電話入
老土得來又可行的辦法，就係扮有電話入，然後講聲唔好意思，就扮行埋一邊講電話，慢慢遠離對方視線。
扮內急
更為老土的做法，直接話想要去一去洗手間，然後就一去無回頭，不過這招其實都好出面，對方理應明白你想點。
開心見誠
呢個世界，只要有禮貌其實已經可以避免很多尷尬場面，所以直接跟對方說與他傾談獲益良多，但你也渴望認識更多朋友，因此需要暫別，最緊要說話時語氣要誠懇兼有禮，不要讓對方得覺你在講大話。
COMMENT
 
「錢買唔到快樂」呢句嘢，相信大家都聽過唔少次。過去亦曾經有研究指出，隨住收入上升，人嘅快樂程序雖然會增加，但收入到達某個水平後，快樂增幅就會放緩甚至不變，換言之錢只能某程度上「買」到快樂。不過近日一個 ...
powerandmoney
【快樂】錢買唔到快樂？研究證明買得到，而且越多錢越快樂
16 Aug 2024
由細到大，大家都聽人講「錢唔係萬能」、「錢買唔到快樂」；但到你大個出社會，你就知道「無錢萬萬不能」、「無錢就好難快樂」。咁究竟錢能夠買到啲咩呢？近日有網民用Elon Musk嘅舊照整理出佢歷年嘅外貌變化，對比 ...
powerandmoney
【財富】錢買不到快樂但買得到… 網民整理Elon Musk歷年外表變化
22 May 2024