世界難撈，人浮於事，今時今日出來打工，唔容易找到一份真係好有興趣好想做的工作，有時候只要搵到份工，已經好好。但即是新工並非dream job，作為受薪員工，做好份工也是基本要求，但要點先可以做好一份唔係自己心目中想返既工呢？

戒除騎牛搵馬心態

既然新工作並非理想工作，於是乎會跟自己說，都係暫時做住先，邊做邊搵過另一份。持這種想法，很自然地不會有心投入工作，反正都認定不會做得長。無心工作當然不會做得好，做得不好就沒有成功感，惡性循環下只會越做越差。所以，既然有新的開始，應該先戒掉騎牛搵馬心態，嘗試努力工作，才會做得好。

發掘工作的有趣一面

稱得上新工作，起初必定是摸索階段，即使之前為此崗位做幾多資料搜集，上司如何詳盡地介紹也好，剛上班一定有很很多範疇未會即刻涉獵得到。如果返了只不過一星期就認定工作不適合自己，也實在太過武斷。對於新工作，不妨用心留意及發掘一下，說不定會找到自己喜歡的又發揮到的地方

投入同事間的相處

同樣道理，認識一份新工作需要時間，與同事相處也需要時間，有時候工作未必是最理想，但碰巧遇到一班傾得埋的同事，也會提升工作的趣味，大家日日一起邊工作邊吹水，有好同事互相扶持與照顧，也是十分難能可貴的事。

試用期完結前要反思

如果是全心全意投入及嘗試了解新工作，相信大約三個月，已經有足夠時間讓自己下一個初步判斷。真心覺得不適合的話，試用期屆滿前就要遞相請辭，以免過了試用期後，離職通知會變成一個月，有礙尋找另一份工。當然，如果覺得適合，或者想再花多點時間了解的話，就毋須急於離開，只不過試用期完結前必須要反思一下，想想下一步如何走。