{ SKIP }
文:傑克  圖:互聯網
POSTED ON 18 Jan 2019

羅致光局長的「當大家都120歲時,60歲才算是中年。」偉論,確實是對大家的當頭棒喝,原來60都仲有大把世界呀!既然60不過是中年的年紀,咁大家真係要好好延長青春期,要勁過局長,令自己60都咁仲係咁青春!

尋求新挑戰

有否發覺,年青時咩都夠膽死,玩要玩要X GAME,又勇於參加比賽,工作做得悶就走出來創業。但當人大了,生活漸安穩,顧慮漸多,就開始船頭驚鬼船尾驚賊,對所有新事物都耍手擰頭,只想每件事都盡在掌握之中,令身心也變得蒼老。要保持青春,最佳辦法是無間斷尋求新挑戰,學習新事物,刺激腦部思考,想老都幾難。

與年青人為伍

想年青,最直接做法梗係埋年青人堆啦。年青人喜歡甚麼、年青人潮興甚麼、年青人講甚麼食甚麼想甚麼,與他們做好友,從他們的日常生活中找回今日年青人的生活習慣,最好衣著也保持年青,別覺得自己老了就要穿得成熟,點解60唔可以變韓仔先?要別人覺得你年青,先要自己唔好認老。

離開單身

有否發覺,單身人士比起有愛侶的人,較為容易變老?因為單身人士生活較為單調,對生命的追求不足,但有愛情滋潤者,經常為了讓對方快樂而激發新思維,而且兩人一起生活到某些階段,就要思考、計劃及追求新目標,例如要準備結婚,之後要計劃生小朋友等,人生路較為豐富多變,有助維持年青的感覺。

聽高官講話

一個人變老,因為他對身邊事物提不起興趣,沒有喜也沒有惡,心裡那團火早早熄滅,準備入土為安。要給生活帶點火氣,最簡單直接做法就梗係聽下高官的說話,真係鑊鑊新鮮鑊鑊金,愈聽愈令人火滾,睇下維園阿伯中氣十足,就知道這個方法幾咁有效。

咦,乜陳生又係你呀?前西班牙金童費蘭度托利斯訪港出戰賀歲盃,臨走前被少數「職業粉絲」搞到勁無癮,唉,香港人真係柒出國際。呢班友,若非智障或食錯藥,就肯定係識得炒賣波衫,甚至受聘為專搵明星簽名云云。炒波 ...
powerandmoney
【死都要簽】 波衫炒賣有價有市
14 Feb 2019
新正頭,最多人想知梗係幾時行大運啦。基本上,每個人的一生,起碼有十年、廿年會行大運,在行大運時,做任何事情都會特別順利,但每個人行大運的年齡都不一樣,有人會早入大運,有人則遲入。究竟在哪個年齡入大運, ...
powerandmoney
幾時行大運最好?
13 Feb 2019