《冇警時分》、《屍殺列車》、《古惑仔之隻手遮天》、《古惑仔：江湖新秩序》，四套好戲一晚上演晒！此如亂世，普通小市民陷入一片驚慌，取消一切晚間活動，以自我宵禁方式尋求一刻安全。除了留守家中，小市民還有甚麼可以做？

練武做運動

養兵千日，原來真係用在一朝！如果細個有學功夫，如詠春、空手道、抬拳道等，當無啦啦成為追打目標時，都叫做有幾招旁身，知道點保護自己！不過，而家去學都未遲，既可以保護自己，又可以保護身邊人，唔得閒學，都起碼要保持做運動，練好強健體魄，練好肺容量，有事時走都走得快些

學習急救

其實基本急救常識，應該要全民皆識，莫講話今時局勢，隨時大派用場，救人自救，平常日子懂得急救，屋企人食飯哽咽可以第一時間施救，街上遇到途人心臟病發可以伸出援手。唔好睇少急救，黃金3分鐘是至為重要。

努力搵錢

小市民不是名人，沒有甚麼影響力，不會上台亂講兩句就會影響到其他人跟住做，所以小市民好難改變現況。因此，小市民只可以自求多福，為自己儲備更多資源，在危難時都叫有條後路。最簡單及有效做法就是努力搵錢，雖然錢解決唔到所有問題，但確然解決到好多問題，有錢起碼可以諗移民呢條路，況且有錢也可以做更多事，提供更多物資，幫己幫人。

各自爬山

積小才可以成多，小市民沒有名人的影響力，但都各有才能，身懷絕技，不妨在自己的範疇上做點事，哪怕只是一點點，例如跟家人解釋現況，和朋友傾訴互相鼓勵，站出來給予支持，留個言給別人一些溫暖，星星之火，也可燎原。