{ SKIP }
文:MenClub 玄火  
POSTED ON 02 Oct 2019

就算唔係七欖粉絲,只要是體育迷,依家有時間去日本,就應該去睇吓2019欖球世界盃,了解日本人點解搞親盛事都會咁成功,箇中細節真係令人嘆為觀止。如果咁「唔好彩」係同一班麻甩佬出發,睇完波仲有時間走一轉歌舞伎町,殊,咪話畀人知呀!

欖球專用場

四年一度的欖球世界盃,9月底開幕,亞洲國家破天荒成為主辦國,合共20隊爭奪最高殊榮。今屆賽事主辦城市有12個,由南至北分佈在福岡、橫濱、札幌和熊本等。打欖球講身體質素,高頭大馬的西方人有着數,亞洲人天生輸蝕,但「櫻之勇士」日本隊早已站穩亞洲頂級位置,近四屆世界盃合共三次躋身決賽周,曾打敗兩屆世界冠軍南非,史稱「白禮頓奇蹟」。

除了足球、棒球和相撲之外,欖球在日本都是受歡迎運動,截至2016年全國欖球員達12.3萬,冠絕亞洲,之前港隊代表李卡度前往當地搵食,月薪接近6萬港元,唔係嘢小。日本欖球的歷史最早追溯到1866年的橫濱,最初是由英國水手引入當地,故此今屆決賽特別選址橫濱,反映日本人重視歷史的傳統。反觀香港的欖球,發展多年依然是外國人的玩意,日本欖球早已殺入校園,首座只供欖球比賽的運動場建於1929年,全國高中大賽始於1963年,其他亞洲國家望塵莫及。

為災民打氣

值得一提,D組烏拉圭爆大冷擊敗傳統勁旅斐濟,場地是叫鵜住居復興球場,也是紀念釜石市劫後重生的地標建築。話說8年前東北311大地震引發大海嘯,徹底摧毀了人口不足4萬的釜石市,這球場就是為了打氣而誕生。結果,弱旅烏拉圭製造大冷門,以30:27險勝1.001倍的斐濟,兼報回去年慘敗7:68之辱。

最後要說,愛知縣豐田體育館進行的揭幕戰,場內鋪設了311大地震後種出來的「劫後小草」,草皮由79歲老人大坪征一悉心照料而成。海嘯之後,大坪征一為了重建人們對災區草皮的信心,2013年成立公司種草,不斷改良之後,終在今年6月交貨。這也就是真正做到扶持中小企,而非得把口講,又或者只是懂得減稅減租。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023