{ SKIP }
文:傑克  
POSTED ON 18 Mar 2020

近來的市況,確然讓投資者、投機者「大開眼界」,波幅之大、上落之快,睇少幾分鐘隨時就已經唔見幾皮野。大波幅確實會讓心理質素較差的投資者感到忐忑不安,但大波幅真正害人的地方,又何止這樣呢!

以為是轉勢訊號

受疫情與油價兩面夾擊影響,環球股市近日波幅之大,實屬罕見。美國股市由動輒升跌1、2000點,日前甚至試過暴跌接近3000點,創自1987年股災以來最大單日跌幅。回想之前跌1000點,這種波幅已大到讓股民以為這是終極一跌,是轉勢訊號,豈料隨後美股可以一日插2000點;然後股民又覺得這次才是真正終極一跌,翌日美股果然報復性反彈2000點,收復大部份失地,讓股民更加堅定自己的睇法,結果,美股隨後就大跌3000點了,而誰敢肯定之後美股不會再單日升跌4000、5000點呢?請謹記,大波幅與轉勢是毫無關係,別以為跌得勁就見底買入,隨時中招!

左一巴右一巴

有炒開期指、牛熊證或窩輪的投機者,會認為大波幅是搵食良機,因為市場一日上落一千幾百點,等如正常日子時一星期、甚至一個月的波幅,錢自然賺得更快。但市場波幅大同時也代表危機更大,在正常日子雖然賺得少,但蝕也蝕得少。在大波幅日子,一睇錯方向就蝕一千幾百點,而更慘是大波幅一般會配合快上快落,投機者以為止蝕後順勢反手追買或追沽,結果三幾分鐘後又蝕多幾百。一蝕得多就亂,一亂就心急,而心急之下所做的決定就九成都是錯。

破壞止賺止蝕機制

投資或投機,最基本的定律是懂得止蝕保本,因此不論投機者採用甚麼策略作買賣決定,一般都會設定止蝕機制,如蝕了10%或20%就認輸。但在大波幅市況,快上快落是等閒事,好像期指近日都是開市跌過千點,半日後卻可以將跌幅收窄至二百點,如果以一般止蝕機制來操作,止蝕後看著市況倒升,其實好心痛。因此,非常時期就要用非常手段,投機者或會將止蝕位大幅上調,容許自己接受更大程度的虧損而不止蝕,甚至乎覺得大市隨時會逆轉而不設止蝕,結果將自己一直持之以恒的保命機制徹底打破,一旦遇上單方向大跌或大升,就會被一舖清袋了。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023