當奧運都以男女參加者數目一樣而自豪，你就知「兩性平等」係近年嘅最重要嘅議題之一。而法國巴黎市政府最近亦因為高級職位嘅性別比例，而被法國當局罰款9萬歐元 (約HK$85萬)，不過就唔係男多女少，而係因為請得太多女人。

巴黎市長Anne Hidalgo

圖片：Wikipedia

卻說法國政府於2013年定下條例，指公共事務嘅管理層新職位中，不能有多於60%屬於同一個性別；但於2018年巴黎市政府就請咗11個女性管理層，而男性管理層只有5個，女性比例高達69%，所以就被當局指違反性別平等而被罰款。

巴黎市長Anne Hidalgo回應被罰款指「我好開心去宣佈我哋被人罰錢」，更加於一個當地議會中諷刺道：「突然之間呢到嘅管理層變得太女權喎。」

但Hidalgo亦指，罰款「明顯係荒謬、不公、不負責任及危險」。佢指整體黎講，法國政府嘅高層位置依然都係太少女性，所以為咗要達至最終嘅性別平等，理應要加快任用更加多女性。