自去年10月馬雲於上海金融峰會批評中國相關監管後，唔單止阿里爸爸及螞蟻集團成為中國當局審查對象，一向曝光率甚高嘅馬雲本人亦影都唔見。據《Financial Times》報導，本來馬雲預計會出席去年11月舉行嘅「非洲創業者大賽」擔任決賽評審，但最後甩底並改由阿里爸爸另一名創辦人彭蕾出席。

圖片：africabusinessheroes.org

據《The Hollywood Reporter》報導，馬雲去年10月批評中國金融監控機構及國有銀行落後，觸怒中國領導人並親自下令要停止螞蟻金服上市，隨後中國當局指會調查阿里巴巴「壟斷市場」，螞蟻金服亦多次被多個中國金融相關部要求「按照市場化、法治化原則，落實金融監管、公平競爭和保護消費者合法權益」等。而馬雲本人自10月24日後就未曾曝光，其微博亦於10月17日後未有更新。

在 Instagram 查看這則貼文

Africa’s Business Heroes（@africabusinessheroes）分享的貼文

至於「非洲創業者大賽」則係由馬雲提倡嘅創業比賽，第一屆於2019年舉行，馬雲亦有出席總決賽擔任評審，2020年嘅第二屆原定於11月尾舉行總決賽，馬雲7月時於微博仲話自己非常「期待」見到參賽者，但最後就以「行程衝突」為由缺席。