{ SKIP }
文:MenClub 魏文青  
POSTED ON 18 Jan 2021

日本嘅職場文化一向都非常守舊,所以當疫情開始時,好多日本公司都要求員工們繼續返Office,直到近來先有越黎越多大企業容許員工「Work From Home」,都算係頗為「落後」。不過隨住疫情持續,日本就有望進一步推行更現代化嘅上班模式,未來更有可能推行「一週四天工作」制。

日本傳媒報導,千葉縣參議員兼日本「青少年育成及少子化擔當」大臣豬口邦子將提出新議案,容許日本員工選擇一週工作四日,換言之有三日週末放假。據報目前日本Microsoft及瑞穗銀利 (Mizuho) 都已經實行緊類似政策,而假若議案獲得通過,日本政府將向實施「四天工作」嘅中小企提供財政緩助。

據豬口邦子講,四天工作唔單止有助控制疫情,亦有助員工照顧家中小孩及長者、進修又或者創辦副業。

雖然「四天工作」能夠令員工保住份工之餘有更多私人時間,但當然亦有其他附帶條件。其中最重要嘅就係目前實施「四天工作」嘅企業,都只會8折出糧,部份企業提供「三天工作」更只會6折出糧。假如日本政府議案都係咁安排,對於收入本來就唔高嘅中低下階層黎講,可能就會情願返多日工搵多啲錢算數。

另外日本打工仔OT頻繁亦係常識,當你一個星期返五日都仲要日日OT,一個星期返四日就只會更加辛苦,反而可能對員工嘅身心造成更大影響。

不過目前議案只係提出一個新選擇予員工,員工可以因應自己嘅需要選擇最適合嘅工作模式,咁樣有得揀都總好過冇得揀嘅!

資料來源:產經新聞
日本時裝網購平台ZOZOTOWN創辦人前澤友作,早於2018年就向Elon Musk落訂要做SpaceX首位環月旅遊嘅客人,仲將任務改咗個好浪漫嘅名「dearMoon」。近日佢就宣布已經包咗機,希望搵8位同伴一齊喺2023年展開月球之旅。 ...
powerandmoney
【富豪包機上月球】前澤友作免費招募8位同伴一齊展開月球之旅
03 Mar 2021
天星小輪大家就成日搭啦,大家又有無諗過住喺上面?幾年前有位外藉富商買入天星小輪改裝成豪華遊艇,當時唔少人都非常好奇究竟改成點樣。最近佢就因為要移民所以出售,船內奢華裝潢因而曝光。 (圖片截至:As ...
powerandmoney
【海上豪宅】天星小輪改裝萬呎奢華遊艇 船主移民高價放售
02 Mar 2021