{ SKIP }
文:MenClub 艾力克  
POSTED ON 08 Feb 2021

每個成功嘅男人背後都有一番奮鬥經歷,Twitter共同創辦人兼CEO Jack Dorsey都唔例外,據近日CNBC報導,原來Jack Dorsey曾經想離開科技業轉行做時裝設計師。今年44歲嘅Jack Dorsey,現職Twitter及電子支持公司Square CEO,身家高達130億美金。但原來喺2006年創辦Twitter之前,佢只係一位興趣廣泛嘅曾通矽谷工程師。

Twitter創辦人之一 Jack Dorsey

其實早於2000年開始,Jack Dorsey已經構思緊整個實時狀態更新嘅網絡平台,正正就係Twitter嘅雛形。但由於當時做工程師做到無咩突破同成功感,所以一直都喺繼續做工程師或轉行別闢蹊徑兩個念頭入面搖擺不定。

你又點估到一直被人覺得「毒」嘅工程師,竟然係時裝設計愛好者。

Jack Dorsey當年喺紐約大學臨畢業前一個學期選擇輟學,去咗加州奧克蘭成立的士及快遞服務派遣公司,做咗幾年就因為同董事會成員意見不合被人炒魷魚,返番家鄉聖路易斯。被人炒魷嘅Jack Dorsey,返家鄉後開始研究各種興趣,包括植物插畫同按摩,同時又非常著迷時裝設計。佢非常欣賞牛仔褲設計師Scott Morrison(牛仔褲品牌Paper Denim & Cloth創辦人)嘅作品,得知Scott Morrison鍾意有人物繪畫技能嘅設計師後,Jack Dorsey仲特登報讀相關課程,希望藉此可以加入做設計師。

Twitter成立創期,Jack Dorsey仍然不斷鑽研時裝設計。

直到2006年創辦Twiiter初期,Jack Dorsey都有一直Keep著去設計學校上時裝設計課程。據了解,當時Jack Dorsey每日6點左右就會離開Twitter辦公室,去上畫畫班、熱瑜伽及時裝學校課程。Jack Dorsey曾經喺設計學校入面設計過「鉛筆裙(pencil skirt)」同「不對稱裙(asymmetrical skirt)」,可惜最後都掉咗,大家無緣睇到佢作品。即使最終Jack Dorsey無成為時裝設計師,但從佢平時著嘅衫可以見到佢仍然對時裝設計抱有濃厚興趣。喺出席2019年巴黎時裝週嗰陣,就被發現所著嘅衫係前衛設計師Rick Owens嘅作品。

資料來源:cnbcthe verge
講起「Victorias Secret (VS)」呢個牌子,作為男人嘅你未必知佢有咩產品,但你一定知佢哋每年都會搵一大班人又瘦腿又長嘅超模「Angels」,舉行一個超大型內衣Show。不過隨住近年「身體多元性」抬頭 (即係無論肥瘦高 ...
powerandmoney
【身體多元】Victoria's Secret 宣佈放棄「天使」 轉請七名「多元」代言人
18 Jun 2021
眾所周知Elon Musk希望帶領人類殖民火星,除咗大灑金錢研發太空飛船,近年更頻頻賣樓,從上年5月至今共賣出7套物業,套現約1億美元。近日佢就喺Twitter宣布,決定賣出位於加州灣區嘅最後一套物業,藉此資助「火星殖 ...
powerandmoney
【無樓一族】Elon Musk決定賣出最後一套物業 用作資助「火星殖民」計劃
15 Jun 2021