{ SKIP }
文:MenClub 魏文青  
POSTED ON 25 Nov 2021

無論係為咗迎合部份顧客嘅喜好、改善企業形象、又或者真係想為保護生態環境出一分力,反正近來的確越黎越多企業推出重視環保、減低碳排放嘅產品。長遠黎講,呢啲行為或者能夠有助改善大家嘅生活,但短期內就可能會令某啲人嘅生活更加艱難。Principal Global Investors首席全球策略師Seema Shah撰文指出,綠色經濟 (Greenfication) 可能會造成通漲。

據Seema Shah指,不少國家對企業嘅碳排放都有限額,如果企業排放超出限額,就需要於市場上向有餘額嘅其他企業收購「排碳權」,換言之即係用錢解決問題。但當越黎越多企業都爭奪限額時,「排碳權」嘅價錢就會上升,從而增加企業成本;如果唔買夠「排碳權」,又會被政府罰錢,同樣增加成本。即使企業有意轉用更環保嘅生產或經營手法以減低碳排放,前期都必須投資更多人力、物力,同樣造成成本上升。

而企業一係就自己食咗個成本,變相賺少咗或者直接要蝕錢;又或者將成本轉嫁畀顧客,就即係加價。當好多企業都做緊同一樣嘢時,整體物價水平就會上升,成為通漲。值得一提嘅係,Nordea Asset Management資深總經策略師Sebastien Galy指呢種通漲並非暫時性,而係有可能維持超過十年。縱然環保的確係所有人都必須考慮嘅問題,但呢個「環保嘅代價」又係咪每個人都願意付、付得起?

資料來源:Wral.com
同時Elon Musk亦呼籲網民自行隨機抽查Twitter上嘅假帳戶比例,結果被Twitter嘅律師警告佢違反保密協議
powerandmoney
【Twitter】Elon Musk暫停收購Twitter審視垃圾帳戶佔比 網民質疑操控股價?
16 May 2022
各位每日返工,都一定會有唔少嘅工作要完成,但大家嘅習慣會係無論幾時都出盡全力儘快完成工作,定係死到拖到收工前先完成?日本網民「のぶ@学校のモヤモヤ代弁@talk_Nobu」日前就喺Twitter分享兒時經歷,話佢小學三 ...
powerandmoney
【日本】提早完成工作冇著數?日本網民從小學打掃課室中學到真理
10 May 2022