繼早前因為使用人數首次下跌造成股價急跌25%之後，Facebook及IG嘅母公司Meta又面臨新危機。據報近日Meta向美國證券交易委員會 (SEC) 提交年度報告，指出假如歐美無法解決數據傳輸安全問題，佢哋就可能要中止Facebook及IG於整個歐洲嘅業務。

圖片：Unsplash

歐美雙方過往有一個名為「Privacy Shield」嘅協議，允許企業將用戶數據跨境傳送。但自2020年7月起，歐盟法院就因為美國方面無法提供與歐盟一致嘅數據保障，於時廢除Privacy Shield，歐美雙方需要再次商討出新嘅協議，而到目前呢一刻都係未有定案。Meta於年度報告中就指出，「如果我們無法於業務地區之間傳送數據，又或者被限制於產品及服務之間共享數據，將會影響我們提供服務的能力」，Mata指出佢哋認為歐美雙方係會達成新協議，但萬一唔成功，「我們很有可能無法在歐洲提供我們最重要的產品及服務，包括Facebook及Instagram」。

圖片：Unsplash

Meta亦重伸，佢哋係唔想撒出歐洲，「但現實就係，Meta以及好多其他企業、服務，都係依賴於歐美兩地傳送數據黎提供全球性服務。

值得一提嘅係，Meta絕非唯一一間受歐盟數據限制嘅美國企業。奧地利數據安全機構 DSB早前亦認為Google嘅網站流量分析工具Google Analytics服務會將當地用家嘅數據傳回美國，而又認為Google無法提供足夠嘅數據保護，而裁定Google Analytics為非法服務。

資料來源：Euronews