{ SKIP }
文:MenClub 魏文青  
POSTED ON 09 Mar 2022

為咗制裁俄羅斯入侵烏克蘭,各大西方企業都相繼宣佈會暫停俄羅斯業務,但麥當勞、星巴克、可口可樂及百事可樂早前就因為未有表態,而遭到美國民眾於網上呼籲罷買。結果四大公司不約而同地於美國時間昨日發文,指會暫停俄羅斯業務,「與無辜戰爭受害者同在」。

麥當勞以CEO Chris Kempczinski名義發文,指佢哋會「參與大家對侵略及暴力嘅制裁」,然後先用頗長篇幅交代佢哋目前做緊咩去支持烏克蘭市民及員工,然後講到佢哋喺俄羅斯有850間分店、養緊62,000名員工、數以百計供應商、更唔好提每日有幾多客會食麥記,「但同時,我哋不能忽視在烏克蘭的受難人民」,然後先講到會由即日起停止包括分店營業等俄羅斯業務,但同時為咗支持俄羅斯員工,糧就繼續出嘅。

百事方面嘅新聞稿亦係大同小異,都係交代咗佢哋喺俄羅斯有幾耐歷史、幾多員工,自己本身又做緊啲咩去幫烏克蘭員工及人民,然後就宣佈「鑑於目前於烏克蘭及生嘅可怕事件,現宣佈停止於俄羅斯銷售百事可樂,以及七喜、美年達等飲品,同時亦會停哂所有投資及宣傳活動。」

相比之下星巴克同可口可樂嘅新聞稿就簡短得多,星巴克以CEO Kevin Johnson名義發文,開首就話譴責俄羅斯攻擊烏克蘭,然後就直接話會停哂包括商品進口嘅所有業務,亦承諾會協助「2,000名依靠星巴克生活嘅伙伴」。而可口可樂嘅聲明就只有三行字,唔要啲客套說話,就係一句「會停止俄羅斯業務」。

四大公司順應民意參與制裁俄羅斯,固然係挽救美國國內嘅公關危機,但同時對佢哋盤數都有頗大影響。例如烏克蘭與俄羅斯兩地嘅分店加埋,其實佔麥當勞嘅營業額近9%,即係大約20億美金。而且生意唔做,但糧就照出,仲有協助逃難員工等支出,條數都幾襟計。

從人類有史以來,唯一能令「做愛」與「賺錢」扯上關係嘅,大概就只有「嫖娼」呢個方法,但隨住「Web3.0」時代降臨,大家黎緊就有機會透過做愛、自慰、BDSM等方法循規蹈矩地賺錢!因為有人推出咗個「Sex to earn」遊 ...
powerandmoney
【Web3.0】做愛自慰有錢賺 「Sex to Earn」遊戲「SEXN」
26 May 2022
同時Elon Musk亦呼籲網民自行隨機抽查Twitter上嘅假帳戶比例,結果被Twitter嘅律師警告佢違反保密協議
powerandmoney
【Twitter】Elon Musk暫停收購Twitter審視垃圾帳戶佔比 網民質疑操控股價?
16 May 2022