{ SKIP }
文:MenClub 魏文青  
POSTED ON 26 May 2022

從人類有史以來,唯一能令「做愛」與「賺錢」扯上關係嘅,大概就只有「嫖娼」呢個方法,但隨住「Web3.0」時代降臨,大家黎緊就有機會透過做愛、自慰、BDSM等方法循規蹈矩地賺錢!因為有人推出咗個「Sex to earn」遊戲「SEXN」。

睇「SEXN」個名就知佢係「參考」近來大熱嘅GameFi遊戲「Stepn」,而其原理及玩法亦與「Stepn」非常類似。簡單而言,玩家需要先下載應用程式,連結自己嘅BSC加密貨幣錢包,再以BNB幣於應用程式中購買各有不同「用途」與「功能」嘅NFT 。NFT有分為「安全套 (Condom)」、「自慰玩具 (Masturbation Toy)」、「SM用具 (BDSM Toy)」及「蜜月券 (Honeymoon Ticket)」,相信係對應遊戲嘅不同模式。

然後玩家可以從「做愛模式」、「自慰模式」、「BDSM模式」及「蜜月模式」中選擇適合自己嘅模式,前三者相信大家都可以顧名思義,而「蜜月模式」就係專為預計自己會於某段時間內大量做愛嘅人而設。相信能選擇嘅模式亦會受擁有嘅NFT種類限制,即「有Condom先可以做愛」、「有飛機杯先可以自慰」等。揀好適合模式後,用家佩戴住「可以監察行動嘅智慧手環或手錶 (即類似Apple Watch)」,然後「做愛做的事」,完事後就可以獲得程式代幣「$SOT (Sex Orgasm Token)」,而「$SOT」應該有辦法換返做其他幣或穩定幣。於是「做愛」就轉化成錢啦。

要留意嘅係,玩家每次能夠賺取嘅「$SOT」數量,係由擁有嘅NFT種類、等級所決定,而結算方法係「每次」,而非時長,即係假若你揀咗「做愛模式」,而程序確認你係做緊愛,做愛時長係唔會影響你嘅回報。另外每次賺取$SOT,都要付出兩個 $SST (Sex Stamina Token),而$SST係要另外買嘅 (換言之如果越多人玩呢個App、$SST嘅幣價理論上就會越高)。

「SEXN」預計於今年第二季推出 $SST,第三季進行Beta測試。如果大家有興趣嘅話可以去佢哋官網留意下。但必須強調,任何加密貨幣項合目前都係高風險投資,大家決定入場前一定要做足研究,亦要確認自己能夠承擔嘅風險。本文只係介紹計劃計劃,並唔係推薦大家去玩呀下。

資料來源:Sexn.finance

唔少人細個嗰陣,都有煩惱過大學應該讀咩科,大致上都係於「興趣」及「收入」之間作出取捨,而依家嘅你又有冇為當時嘅選擇而後悔?根據美國一個求職網站做嘅研究,原來有44%大學畢業生都會後悔當初「揀錯科」,而災 ...
powerandmoney
【職場】近9成畢業生後悔讀新聞 畢業後滿意度同一樣嘢有關
16 Nov 2022
Elon Musk收購Twitter一事何謂峰迴路轉,由最初冇啦啦話買,到7月時話Twitter隱瞞假用戶數量又唔買,搞到Twitter向Elon Musk提告,而喺10月17日雙方上庭之前,Elon Musk嘅態度又黎個180度轉變佢依家又話買啦喎,仲係 ...
powerandmoney
【首富】臨上庭前兩個星期 Elon Musk又話會原價買Twitter
05 Oct 2022