「財務自由」係唔少人嘅畢生願望，而一般都會認為，單靠打份牛工、死慳死抵係冇可能做到「財自」。不過近日日本就有位45歲男子，就係靠慳而儲到9470萬Yen (約HK$513萬)，即將完成「儲夠一億就退休」嘅目標而成為網上熱話，

本日のお夕食
いつものことながらかなり地味です????
でも卵はもう贅沢品ですね〜
こんな生活を20年以上
貯金は9300万円を超えました…
もはや何を食べてもうまいです???? pic.twitter.com/gh9I97kJu5

— 絶対仕事辞めるマン (@MaqwgNaJKDOnxGb) June 18, 2023

卻說呢個網名叫做「絶対仕事辞めるマン (絕對會辭職Man)」嘅日本網民，6月中時於個人Twitter上傳咗當日嘅晚餐照片，只見檯面只有一碗白飯、一粒酸莓再加上一份炒蛋卷，睇落非常樸素；但相比之下佢個留言就霸氣十足，因為佢話「今餐同平時一樣好普通，不過雞蛋近排都變咗奢侈品啦！我已經咁樣食咗20年，存款超過9300萬Yen…咁食咩都好食啦！」

此圖一出立即就成為日本網民熱話，事關一個身家有9300萬Yen嘅人竟然食得如此寒酸，而且背景中嘅榻榻米、牆身都明顯唔係高級靚屋，本身就已經好有話題；但由另一個角度睇，單靠慳能夠慳出9300萬Yen本身就係一件壯舉，唔少人都好想知道佢究竟係點做到。結果該帖文吸引到超過2000萬次瀏覽、5.3萬個讚好，仲吸引到傳媒去採訪添。

本日のお夕食
フォロワーさんに「もやしと卵は混ぜるとうまい」と聞き、作りました
固まって食べやすいし味も良いです
ありがとうございます????
もやしの消費期限は4日超過してますが準富裕層なので問題ありません pic.twitter.com/tlCKsqDI1I

— 絶対仕事辞めるマン (@MaqwgNaJKDOnxGb) June 26, 2023

「絶対仕事辞めるマン 」接受訪問透露，佢目前準確嘅身家係9470萬Yen，距離佢「一億Yen退休」嘅目標僅差少少，當中大部份都係來自呢20年嘅人工。佢表示自己非常依賴商店嘅「儲分優惠」以及「股東福利 (企業會定期向股東贈送自家商品或優惠，大約就係買米嘅股票就會收到米、買地鐵股票就可以免費搭車等)」以減輕生活支出。至於投資方面，佢指自己冇咩天份，咁耐以黎都係靠穩陣嘅投資賺咗幾百萬Yen。

佢拍自己平時都食得非常樸素，不過菜色都會略有變化 (可能係豆腐加蛋，又或者芽菜炒蛋之類)，而且身體檢查顯示佢「出奇地健康」，「可能一餸一湯比起大魚大肉更健康」。而佢亦唔淨係慳喺食方面，而係方方面面都極為節省。例如因為佢經常要加班同出差，所以對於居住方面毫無要求，目前只係住喺一間月租3萬Yen嘅破舊房屋，佢指間屋牆身其實有裂縫，地震的話隨時會冧，而雖然佢有微波爐、雪櫃、洗衣機等電器，但佢只會選擇最平嘅款式，早排個電飯煲壞咗就令佢非常心痛。

「絶対仕事辞めるマン 」於訪問尾聲指，自己係真心鍾意呢種生活方式，未來就算達到「儲夠一億退休」嘅目標，都會繼續咁樣生活落去。

資料來源：Encount