對於受MENCLUB邀請寫專欄分享「如何搵錢」，尤其是我們這一輩年青人如何由「窮忙」找到方法「由少錢賺到大錢」，本人深感榮幸。我自問不是一個十項全能、聰明醒目的社會精英，只是一個平凡的無名小子。但凡人總會找到凡人都可以發達的方法，項某希望在這裡表達這方面的mindset。至於身世，日後自會娓娓道來，在這裡先賣個關子。

「教育制度」唔包「創富之道」

人，是反叛的。你愈唔俾我做，我愈要做。既然唔俾，你自然唔會教我做，這樣註定大部份人會做到一榻糊塗。現在很多家長都話香港教育制度「唔得掂」，我不是從事教育工作，不清楚現在學生的境況，不過在求學階段缺乏教育「理財觀念」就令我們這一代身受其害。相信各位年輕人一出黎社會做野就知道搵食儲錢咁艱難，當會痛恨為何學校不早點教「理財觀念」、「贏錢哲學」這些知識。

亂賭一餐 世界盃變催命符

最近的世界盃即可以看到不少年輕人「輸波輸埋條命」既報導，項某「不禁倒抽一口涼氣」。首先我想講，輸左錢姐，唔使尋死丫，錢銀嘅嘢只要努力十年八載點都搵得番。在現今社會，解決錢銀問題的方法有很多，但命仔只得一條，在人生低潮選擇逃避責任令人婉惜。

萬念俱灰，的確係會較容易令人做傻事，所以我們最好不要陷入這個悲慘的狀態。好簡單者，只要你識賺錢，避免「輸獲金」的情況出現就得。

「賭」的學問

賺錢，咪就係識「理財」。唔好「小」我住，我唔係那些「行貨教育家」叫大家甚麼量入為出、長線投資、分散風險的廢話；更不是學張家輝講「依家未有，將來會有」為一些金融公司賣告白。講d有用少少既，理財不外乎 1. 金錢知識及金錢觀 2. 或然率的了解 3. 心理質素 4. 風險管理。就以此四點已可寫上萬字，項某不在此糾纏，日後自會逐樣解話。

巴西1:7大敗不常見 賭仔大敗多不勝數

賭馬、買六合彩的絕大部人的下場是長輸，而不會一舖清袋，因為大家知道中獎機率細，自然小注怡情。而很多人則選擇想找一個「一勞永逸」的方法，落重注搏一夜致富，「得就得，唔得就弗得」既心態。途徑不外乎是去賭場、賭波、買窩輪等等，買中機會大嘛。買大細唔係開大就開細、買波一係和一係一隊輸、股票一係升一係跌，看似好有邏輯好合理，不過輸身家的通常就係呢d累事。

先唔計好多規則、賠率、溢價等問題大幅降低玩家的贏面，就以今屆世界盃而言，很多玩家多次都「贏波輸盤」，者係買中邊隊贏都要輸錢。最可怕是如果第一獲輸左既話，下舖「double」注碼想賺番。好多人都係咁講「買大細，今舖輸一千，下舖買番二千；再輸買四千；始終會打和」，這樣理想式歪理都信的話，註定悲劇的人生。好多人就是這樣泥足深陷，就這樣難以翻身。當然，能賭出一片天的人也大有人在，項某都識幾個，都係果句「一將功成萬骨枯」。靠「賭」成功「一夜暴富」的人更是「萬中無一」，如果唔係賭場、馬會一早執哂啦。你認為自己有這個「運氣」或「實力」嗎?

之但係，又話無錢的必須投機，依家又叫人咩都唔好賭，即係點先?! 我地後生仔賭咩先好?待下文再續。

後記話說之前$4買落的節瓜世寶(1057)都已經到了$9，前後都是兩個月時間。買落的濠賭PUT warrant 和認沽期權一星期不到分別升了100%和超過200%。

「妖，又咁遲先講。下次有筍野早D出聲丫嘛?」
「車，都無人識我、share我?有筍盤都無人睇啦!」『盡做啦』!