身邊有啲啱啱做左人阿爸嘅朋友同我呻，話日子真係過得大不如前。以前揸跑車，依家揸七人車仲要推BB車：以前周圍去溝女，依家周圍去湊女，冇哂霸氣咁話！究竟除左生到好似碧咸咁之外，有冇辦法可以湊住個女都好型？我話你知有！只要你擁有呢架由嬰兒用品廠商「4Moms」出嘅「Origami」就得！

「Origami」即係摺紙，而呢架BB車最威武嘅就係只需要按一個掣，佢就識自動摺起/打開。扶手上亦有LCD屏幕顯示溫度、速度和里程。車架設有「高、低燈」，高燈照住車廂，低燈照前路。既然佢咁多功能都要用電，咁即係佢內置電池啦，咁仲代表啲咩你諗到冇？冇錯！佢表面上係架BB車，但實際上佢仲係個「尿袋」，可以為你的電話、平板充電，前輪內亦藏有充電器，只要你推住BB車行就可以協助充電。

你信我，你推呢架BB車出去見朋友真係會變萬人迷，咩都唔使講淨係有電差就已經夠吸引啦！