重量級聯乘《人中之龍》ｘ《北斗之拳》　2018年PS4有得玩

文：MenClub 路兒　　圖：互聯網
POSTED ON 28 Aug 2017

講起日本黑幫格Game，你可能會諗起《人中之龍》；要數格鬥漫畫，你又可能會諗起《北斗之拳》。兩大巨作聯乘，聽落已經好興奮，唔知又會有咩新火花？今回拳四郎又會遇到咩AV女優？

人中之龍工作室宣佈將與《北斗之拳》合作，開發新作品《北斗が如く》，官方中文名稱為《人中北斗》，預計在2018年於PlayStation 4平台上推出，支援日文版及繁體中文字幕。遊戲以《北斗之拳》原創故事為背景，講述世界遭受戰火摧殘，主角拳四郎到達唯一幸存有水有電仲有紅燈區的城市「伊甸」，他繼承了無敵拳法「北斗神拳」，為尋找失散的未婚妻而展開連番格鬥。拳四郎配音將由《人中之龍》桐生一馬原聲配音黑田祟矢擔任，格外親切。

另外《人中之龍》亦會推出手機及PC版《人中之龍 Online》，最令粉絲震驚嘅唔係手機都有得玩，而係「達哥」桐生一馬唔再做主角，改為換上全新角色「春日一番」。新男主角除咗捲髮，件衫嘅顏色亦與桐生一馬剛好相反，故事講述這位前黑幫於神室町大展神威。遊戲2018年上市，支援iOS、Android及PC版。

與此同時，一如網上傳聞，官方宣佈重製《人中之龍極2》，預計2017年12月7日上市，支援PlayStation 4平台，現正接受預購。今作會加入真島吾朗全新章節，同日仲會開售「PS4 人中之龍極2 Edition」同捆包，備500GB同1TB版，面蓋用上真島吾朗紋身，型呀。