Google早於7月已經宣佈過，會推出Backup and Sync取代現有嘅Google Drive PC/Mac版，最近又喺網誌上公佈，舊Google Drive PC/Mac版到今年12月11日就會停止支援，至2018年3月12日會完全關閉。

聽到消息大家又唔使心慌慌住，澄清返兩點先。一：Google Drive服務本身並未受影響，手機App版亦照舊用得到，只係桌面版工具會有所改變。二：舊Google Drive桌面版停用，係因為會有另一款工具「Backup and Sync」（備份與同步處理）取而代之。安裝後，可以選擇電腦內你想同步的資料夾，系統就會自動幫你同步上雲端，然後可以喺任何裝置包括手機、電腦、平板等等存取。好處係唔使再分開用Google Drive同Photos上載文件同相，可以一次過處理。不過Google Drive免費容量得15GB，下下直接Sync上去都好快打爆。