1: 控制中心「擴建」

更新後，就算鎖定屏幕時，向上一拉都可以拉出控制中心。新嘅控制中心可以按需要自訂設定，例如放大鏡、文字大小、螢幕錄製同Wallet。大家可能留意到重新設計後屏幕光暗同聲音由左右變成上下調整，而且進一步支援3D Touch。

2: Live Photo影Boomerang

升級後的Live Photo可以變成好似GIF一樣嘅循環播放、IG Boomerang咁嘅來回播放，甚至影長時間曝光，唔使用第三方App。係時候發揮創作力量同幻想，影返啲靚相。

3: 相機支援影QR Code

iOS 11亦加強相機功能，加入鮮豔、戲劇、銀色調等七款全新濾鏡。最方便係相機支援影QR Code，用鏡頭掃描QR Code後就可以直接打開網頁連結或執行其他動作。

4: 單手打字無難度

Apple都知大家鍾意單手打字，鍵盤設計都就返大家，長按表情符號或地球按鍵，就

可以選擇鍵盤靠左、靠右或正常，左青龍右iPhone都得。

5: Cap圖加字

Screen Cap截圖之後，可以直接編輯圖片，加字或顏色都得，之後就可以直接Send畀朋友。

6: 「駕駛勿擾」模式

新嘅「駕駛勿擾」功能會透過藍牙連接，感應用戶可能駕駛中，自動將所有通知變成靜音同畫面調暗，鐵騎士最啱用。

7: 「檔案」App加強收納

大家可能同時使用 iCloud Drive、Google Drive或者Dropbox等雲端平台同時將文件周圍放，全新嘅「檔案」App就可以集中管理所有檔案，仲可以加上顏色標籤。「檔案」App亦可以連接至其他iOS裝置，喺iPad可以睇埋iPhone上嘅檔案。

8: iPad玩拖放

Mac機的拖放功能經iOS 11移植到iPad之上，可以將文字、相片和檔案直接由一個App拖去另一個，亦可以Multi-Touch搬多個項目。你亦可以向左掃拉出Slide Over，然後直接拖第二個App出嚟放到左邊，做成Split View效果。