DHL無人機送貨大成功

文：MenClub Patrick　　圖：互聯網
POSTED ON 29 Sep 2014

最近一個多星期經常見到DHL的速遞員四出運送iPhone 6，炒家/用家收到機當然高興，但其實一班速遞員都幾辛苦，唔知香港DHL有冇諗過用非人手的方法送貨呢？德國DHL就已經開始試行了，睇嚟都幾work㗎！早前德國DHL宣布，他們成功使用一架名叫Parcelcopter 2.0的無人駕駛四旋翼直升機，將一批藥物由德國沿岸運送到12km外北海上的尤伊斯特島，不用速遞員長途跋涉坐船去送貨。

由於這架Parcelcopter 2.0是DHL與德國的無人機研究所合作研發的，所以預計是DHL專用。它的飛行高度約為50m，時速則約為65km，飛行途中不會跨越建築物。雖說它內置了GPS系統，能夠自動飛行，但原來仍需要操作人員作遠程遙控，而且由於乘載力所限，每次只能運送大約3kg重的貨物。睇嚟就算日後DHL會更大規模採用無人機送貨，都只限於運送少量輕盈的貴價貨物去偏遠地方，送iPhone始終要靠人手。