每年都會有網絡安全商公布一轉密碼排行榜，講一講邊啲密碼組合最多傻西瓜用，弱雞到冇朋友。今年上榜嘅仍然係熟口熟面嘅果幾款，包括「123456」、「password」、「qwerty」。到底用呢啲密碼同唔用有咩分別呢？

值得一提嘅係，原來唔少人都鍾意用自己個名做密碼，百大最差密碼裡面，有成22個係人名，例如「harley」、「matthew」、「andrew」等等，比例相當高。當然數據唔能夠全面反映所有用戶嘅習慣，因為SplashData主要係統計歐美被黑客入侵過用戶密碼數據，而整合出百大最差密碼結果。趁住新一年又到，大家執執個密碼，改返個保安強度高啲嘅保護自己啦！