{ SKIP }
文:MenClub 魏文青  
POSTED ON 09 Jan 2018
臨近新年,行得開嘅應該都已經計劃好出外旅行,而無論你係因為去歐遊要帶厚衫,定係準備去日韓瘋狂掃貨,你個喼都一定會重到拖都嫌麻煩。曾經同小米合作推出行李箱嘅上海公司「90分(90FUN)」就為提供另一個選擇——喼,唔使自己拖,佢識跟你行嘅!

喺目前舉行中嘅CES 2018,90FUN推出針對美國市場嘅新型行李箱「PUPPY」,最大賣點係來自合作伙伴「Segway」——冇錯,好多年前成龍踩住週圍走嗰部嘢——嘅自動平衡技術,以及90FUN自行研究嘅控制晶片及精準定位,令「PUPPY」能夠好似一隻真正嘅狗仔咁跟住你行,又或者透過遙控「召喚」到使用者身旁,成件事睇黎就好方便。
但據外媒《The Verge》報導,「PUPPY」目前同「Puppy」最接近嘅地方,可能係大家都唔多聽話。喺CES上展出嘅「PUPPY」仍屬原型機,運作方法係以超寬頻連接遙控,並跟隨其訊號向該方向移動。但一來離得太遠佢就會跟唔上,二來由於佢並未識得繞開障礙物,只要你同佢之間嘅直線上出現任何物件,佢就可能會直撞上去再跌倒,結果你都係要去執返佢。另外「PUPPY」如果於自動行走中被人拎起,就會發出鳴叫,原意應該係提醒用家以防行李被偷,但實際上使用就可能引起不必要嘅注意。而且「PUPPY」喺設定上係Hand Carry行李,但美國航空等已定明智慧型行李箱嘅鋰電池必需可以拆除,否則不能上機,上咗機亦必須要全程關機。睇黎大家都要等好一會兒先可以去旅行「放喼」啦。
The Verge
Google過去之所能夠掌握整個網絡世界,在於透過Google搜尋以及Chrome瀏覽器掌握大量用戶數據,繼而將其轉化成廣告資源。不過隨住ChatGPT等AI出現,大家由「有事問Google」變「有事問AI」之後,Google搜尋嘅地位就備 ...
tech
【科技】挑戰Google龍頭位置 傳OpenAI將於數週內推AI瀏覽器
10 Jul 2025
著名遊戲創作人、近年被Fans戲稱「全職追星」嘅小島秀夫近日因宣傳新遊戲《Death Stranding 2》而接受訪問,並提到佢多年來一直創作嘅動力來源。對此小島秀夫表示:「我希望同Tom Cruise一樣,創作到死前一刻。」 ...
tech
【電玩】小島秀夫談創作動力 「我希望像Tom Cruise一樣創作到死前一刻」
07 Jul 2025