趁住新年假期唔少人都會去旅行，平平哋可能大家會考慮廉航；AirAsia最近就跟隨潮流，於馬來西亞機場採用人臉辨識技術自助登機，乘客唔使拎護照出嚟就可以登機，廉航都一樣有「高科技」服務喎喂。

AirAsia二月起首次在馬來西亞士乃國際機場引入三部人臉辨識自助登機系統FACES，乘客喺機場內嘅指定櫃員機，可以即時影相，登記使用FACES自助登機；到登機閘口時，無需再出示護照，喺自動閘機利用人臉辨識認證身份，就可以登機。FACES準備度達80%，官方預計可以將登機程序由原本的平均11至13分鐘，減至9至11分鐘。

一經登記後，乘客以後都可以使用FACES，無須每次搭飛機都再登記，而且國際線同內陸線都可以使用。目前FACES只限18歲以上，及身高145-190cm人士，而攜帶嬰孩或有特殊需要嘅乘客都不適用，不過孖仔孖女就無問題可以辨識到。