{ SKIP }
文:MenClub Patrick  圖:互聯網
POSTED ON 15 Oct 2014
香港成日話要發展可再生能源,一直得個講字;香港講親要搞咩藝術項目,亦多數係得個講字,想睇多啲關於呢兩方面具前瞻性嘅發展,都係留意外國算把啦。最近丹麥就有建築師發表一個名為「丹麥之聲」嘅項目設計圖,既係可當成景點畀人參觀嘅藝術建築,更加係高效能嘅發電裝置群組,一物二用。香港?有地又話要嚟起樓啦!



「丹麥之聲」其實係大型風力發電裝置群組,有別於一般風力發電機嘅風扇形,建築師將每個發電機都整成號角咁款,設計靈感係嚟自古時北歐維京人吹嘅號角。成套群組總共包括12個巨型號角,分成4組,每大、中、細3個1組。

號角形嘅設計除咗可當成藝術建築外,其實仲有實際功效,氣流吹到號角入面,呢個形狀會
令風力集中,從而變得更強,再加埋號角內藏加速渦輪,增加發電效能,預計「丹麥之聲」
每年能產生117兆瓦嘅電力。

另外,有風吹過號角時,據說唔同號角仲會響起幾個類似丹麥語嘅發音聲響,夾埋聽落仲會變成太陽、水同冰呢3個代表自然嘅詞語,可作為聲音景觀嘅一種。「丹麥之聲」已經落實會起喺哥本哈根嘅海岸,坐言起行,人哋起完,香港嘅轉廢為能設施可能仲賣緊廣告






企業之間互相挖角人才並唔係咩新鮮事,不過將前東家嘅商業機密帶去新公司,就有違職業道德,甚至有可能被告上法庭。有外媒就發現Apple近日向美國加州法院入稟控告一名跳糟到Oppo嘅前員工「畜意竊取商業機密並透露予 ...
tech
【科技】前員工偷Apple Watch機密跳糟Oppo Apple入稟控告揭笨賊行為
26 Aug 2025
對於企業黎講,使用AI黎取代真人似乎有兩個好處:AI嘅工作水平及效率比起真人高,同時使用AI嘅成本比請個人返黎更低。所以唔少人都預期AI終有一日會佔據社會中大部份工作位置,換言之好多人都會無工可以返。不過近日 ...
tech
【AI】AI取代人力? 外媒指目前一切都係假象
20 Aug 2025